SINNAAMOH XIN SINNIH MADQITAANAMIH ESSERO BAAXO KUNNABNAA KEE INKITTIINOT BOODDAM HINNA.

 

Eretriyal agattiinah cakki diggoowam eretriyah inkittiinoo kee kunnabnah qokol takku xiqtakkahlahaay, sinaanamak garab akah iyya innah baaxo kunnabnaa kee inkittiinoh sadu takku xiqtam hinna.

Woh akah innu xiqnaamih sababaay, mangoh:-

Eretriya sagla agattiinak xissinta baaxo kinni wak kulli agattiina isi qaadaa kee abuk raqtiiy, madqal elle baxsinta lee, aa ummatta tittalih baaxoh inkittiinoo kee kunnabna dacrissuh baaxol inki gid akkiyyaa kee qadaalat kee gari garuh edde rammita xinto tanim taakume.

Fanteena rakitta doolat xisaanamaay, ummatta milaagu baahaanamak malowwinta.
Akah kinnim tan xintok kaxxa baxsa alle waytaamih taaga, woh akah kinnim dagaak gubah obtaamak sarra gubaak dagah tawqem edde ene waytaamih taaga. Toh yaanam doorit sinni caagid kinniimih taagah daktatoor xintok baxissam mali akah innu xiqnam wohu.

Tamahak amakkaquk nanu innu dudnam agat kee agattiinah cakkih rammite akahwaanam eretriyah inkittiinoo kee kunnabnah lon fayxih edde yemeeteenim hinnay sinni maslacat kee kunnabnah dacayrih fayxi ken edde bahteemi.

Agat essero wagsiisak inki inki maritek yawqe yaabak tut yabne kiiy, <<Eretriya agattiinah cakkil yaamine charter luk culle kiiy eretriyah baaxok bandiira takarih gide mageyna >>axcuk yaabe mari yan . Tama marak innamaay, sinni baaxol sinni kunnabna esseraanam qaybi akak tekkeeh ken amol yeexegeen fayxi reedam xiqsissem magaanuunuuy inna.

Qagitakaay atu esseroh arac akah wayta marih baaxol atu faxxa xintoh arac mannal geytimelem kot celta. Gersi tamahat xayih tan maxcoh tu gactek qasa badih qafarih dimokraasih missoynaa kee kunaamah missoyna leh tan agat essero ertriyah illacabo soomaaliyah illacabo abele axcuk yaaben.

Tama maral gacisnam suumaaliya shaqbii kee eretriyah shqbi ittal massowwam xiqa shaqbi hinna, soomaliyah ummattakaay, qaadaay,afaay,diini inkih akak tangale inki ummatta kinni wak ken ittin way elle yenem gabaayil fanak ten. Eretriyah ummattah tu gactekiiy, sagla agattiinay kulli num isi af kee qaadaay, xintoh akak xiina kinni wak itta lih xiinoonu fayxii essero akah daccarsimak inkigid akkiyyal xintam xiqta ummatta kinni.
Tamahak amakkaquk anamma missoyna leh tan essero baaxoh inkittiinoo kee kunnabnah sadu xaltu xiqta essero akke waytam dubuk hinnay, baaxoh inkittiinoo kee kunnabna sarrimaaneh caddol dacrissu xiqta essero kinnim qaddosna.

Maysooy,agat esseroo kee dimokraasih imi