ERITRAH DIMOKRAASIH EGLA XISO LIGGIDAAK
ABINI LIGGIDA FAN GEXAK GEYTINTA .
Eretrah ummatta Jabhata shaqbiyya xintoy gacak
gacak temeetey kaxxa taqabik tanih tanik taqabakaay, niya keenikiiy
radak temeete. Tonnahaay, cuggaane rasittellih wali fayda alle
sinni carbit culakaay, rasi curriyatah mango fida mekelteh tan
sadi caylitte tittat aagaruk aysammuk bayissaamataay, ugutte.
Eritriyah ummatta kontomuk daga takke sanootah
abteh tanih tan gicloo kee mekelteh tan fidaay, tuk ablewaytem
dubuh hinnay tut gabah agle alle waa marih gurral inkih tanih
tan ummatta abaluk maacissemiiy, tanbulle.
Rasi kunnabna diggoysoonu angiicilluk asgiicilluk temeete sadi
caylitte inkim abe wee marih gurral yableenim dubuh hinnay, rasu
tengedde biili baqoolit ken abaanamataay, taamah edde uguteenih
yenen.
Diktaatoor jabhatu shaqbiyyah butta dimokraasii kee siyaasa missoynaanih
mangal inkinnahaay, mataamina.
Eritriyah ummattah amol tabbixeh tan xukko kalakaay, tohuk lakal
dimokraasik tanih tan xinto daabissu tangiicileh tan sadi missoynaani
giclot ugutaanam firti dirki keenil tekkeh maacissem elle yublen
ikkel tahataay, abinal ugteenihiiy, yenen. Tahat ugtoonay immayaay,
tah abinal assuh lon bicaa kee massow qaku luk yenemiiy, tamixxige.
Gersi katuk jabhatu shaqbiyya cuggaane rasitte teetit tekkelem
kee too uddur tarasitte llih luk ten fantaaxawak gexakaay, tabaaxooxah
kabuk sadi caylitte maadak sugteh tan gex kalit isi katu keenik
gacak mango taqabih addat radeenihiiy, yenen.
Tokkel eritrah ummatta yemeeteh yan curriyatah
cubbi teceemih taagah tahah cubbi taceemiiy mananna. Takkay immay,
eritriyah ummatta tahat radak tah milagtam xer uddur keenit mafaxinna,
jabhatu shaqbiyya mangom sugekkah cuggaane baaxooxa lih taqabi
hadalak tarasittelih lukuk sugteh tan ramaddiinu tirgeqem dubuk
hinnayaay, itobbiyallih carbi qinbissehiiy, anuk ten.Tokkel tacarbi
ugussemiiy jabhatu shaqbiyya axcuk laahaayal geytinta baad qadlih
buxa tacarbit baatemim 3 bilyoonuuk amo takke itiyobbiyah akah
mekeltannah teetik madqeh anuk yen.
Tokkel eritriyah ummatta taxinto bahtah tan ceele
wayto tahak duma yan saaku iroh istiqmaarih uddurih xokkok fulak
maacissem teetih qaddowte.Tokkel shaqbiyyaa kee cuggaane rasitteh
qalli aamuk elle maacise ikkel sadi caylitte leh tan tummabul
elle yaybulleen gititte keenih fakkiimakaay, maacisse.Tohih taagahaay
ummattaa kee sadi caylitteh tummabul itta fan xayyoowakaay, ummattaay,
sadi caylittehiiy, ayti acayuk maacissehiiy, geytinta.
Tohih taagah ummatta kulli num isi dorrat aba giclo mmay milaagu
bahtu duddam ane waytaamih taagah titta fan gaca axcuk sadi caylitte
faysaanamataay, ugten.Tohuk ugutakaay, sadi caylitte sanatak 1999
lak qinbisak inki silaalih guba akah yamaaten innah aben.
Tokkel siyaasah afkan tittalluk haak inki charter
haysitak agat caylitteh ittin gey xisakaay, lakal eritriyah agatih
qokol deqsitta eglah gubat gacak giclot uguteenim inkih kassinna
tiya.Tohum giclok naharsi maaqattay meysi lekiiy, ten. Tohum baxaabaxsale
tummabul leh tan sadi caylitte titta fan gacak fppca fan taabaku
waytah tan eritriyah doolatay dimokraatak tani rasul hayoonu giclo
kuuy, naharsi maaqatta kaay, ten.Tokkel inkih tan eritriyah ummatta
niya aqusbumuk gicloh ken uguugussehiiy, anuk ten.
Tokkel eretrah agatih qokol 2002 kaa matrak temeete adafittek
awaquk qusba weelol xissiimak qusba migaq haysitak axcihiiy, eritriyah
dimokraasih egla deqsita migaq haysitak qusba weelol taamat yufkunemiiy,
tamixxigeh tan tiya kinni.
Tokkel wakaak wak gacak gacak gexxah tan eritriyah
ummattah weeloo kee ta ummatta tahim milagtu leh tan fayxih abim
elle radam ta eglah labka kinniiimih taagah ta eglah xiso ummatta
kaxxam ruffa haytemiiy, tamixxige. Baxsaluk eritrah dimokraasih
egla eritriyah ummattah fayxii kee loonuh yanin tummabul itta
fan gacisak baxsaluk kaamolayyo xinto qaskariinot laclacisak rabak
raqtem rasu cabak dabboh akak kuddeh tan qunxaaneyti edde geytiman
gibdaabinaa kee tabaaxooxal ken taafeeh tan taqabitte baad ummattah
aytit haanamaay, naharsi taamah haysittemiiy, tamixxige.
Tohuk kalahaay, boolul malcina taban kee konooy,
qululuh akak rabah yan ummattah cato akah takkennaa kee tacato
geytimak maacissek ummattah meqennal gufussuuy, toh axcih kee
temeetem ken gaba akah aleltannah mango macal abak geytinta.
Tah tonnal anukuuy, shaqbiyya eritriyah ummattal
taceeh tan dirab probbaganda axcih itiyobbiya cuduud caagid cinteeh,
qusba qeebi ugussam faxxa axcukuuy, ummatta edde culussam faxxah
tan qusba carbiiy, nidariifal geytintah tan kaxxa kaxxa eglaali
llih axcih afrikah egla takkuu Igaad takku tonnah tan eglaa lii
kee baad dowallih edde culteh tan faxxiime sinni sittin way kookaxawaay,
galli maroo kee galli maroh abballih edde culteh tan kookaxaw
kee galli marok wagari qandeh gexkalit akkukuuy, abtah tan gex
kalit xin kalit kattaatakaay, ummattah ayti akah orbannah abakaay,
baad ummatta akah garcite waytannah mango macal abakaay, geytinta.
Ellacaboluuy, sanat 2005 eritriyah dimokraasih
eglak xisoo kee ugut sanatak ten. Sanat 2006 kaaduuy, ni ummatta
diktaoor xintoh gubak awquk rasul dimokraasi diggoowak salaam
kee dimokraasi edde qammaalan liggiday, ummatta meqe niya yacee
kinnim ummatta tummabuluk geynu dudne, tokkel tahim abinal assuhuuy,
inkih tanih tan eritriyah xaylo eritrah dimokraasih eglah xaqut
gactam faxxinta.
Tokkel eritrah dimokraasih egla ta gicloh faxxinta
abinittet ugutakaay, baad eglaalii kee baaxooxaay, ummattallih
baxsale weelol ramaddiinu taysubukem faxxinta uddur kinni.Tokkel
tah abinal asissuh faxxintaamat ugtelem kee diktatoorih tan doolat
raddah tan fan abtah tan giclot bisoh axcelem qagitak ummattah
diggossa.
Mayso xukkot tan ummattah imi!