ERITRIYAL CAAGID GACAK GACAAMAK KATEH MAYAN. Eritriyal caagid ayrook ayro umaaneh lafitak lafitam tanbulleem kee isiisa taybulleemik raat ane waam qaduk tanbulle.Taway yan caalatak gexxaamahaay ummatta qulul kee xagaanamih wayak gexxaamah uma caalatih addat geytintam tan bulle wohuk sababaay xagaanamaay limok alelsime waytaamih tag kinniimit yaaban. Tonnah tama xintooy tellemmo gita akak yaanam inkih alifteh tanim kee dubuk afiita isit akak toxeemih taagah isih akak fasaksittaamak sahaay teetit qalaltamaat inkinnah matana. Tonnah taway edde nan uddurut wixih gexsittamaay qunxaaneyta
iskool kee le xaleenah gubak ayyaaquk dirki qaskariyyoh booxa ken culsaanam
kinni. Tamah akah innamaay xayi widdirih addat isyaas xintooy, kudeh yan qunxaaneytih abbobti kee buxah mara casbii kee mago gadda ken aben edde sugen xayloh arkah bagul. Tamaa beyaanam kinninnah yan marat yaaben waqdiiy, qinboh abbaay, abba weenik inaay, ina weenik naharsi saqalaay,kaa weenik naharsi maqanxa kinniimit yaaban. Tamahat osahaay tama beytot yan marah tugactekiiy qumri uma caddot akak yan maraay, inti sinniimiiy,tonnah bagut leh yan agbi casbi buxaaxil xaleenimit yaaban. Tamaa beyan qunxaaneyti xaleenaani edde yabbixen aroocah tugactek kaxxam gibdaabina lem kee amok keenil rada roobuk aggerra sinnim amol yassaqarreenimit yaban . Isyaas xinto amahat akah temeetem mango sababitte kinni
way axcih kuda mari akah kude waannaa kee tabbixe maral hayta magot geyta
lakqoh goran kinniimit yaaban amo gexak. Tamahih sumaaqah tugactekiiy,
xayi saaku yibbixen maral heen maali kasaarat gufak yenem 10.000alfih
nakfa heen dirki qaskariyyok sinam akak gudde maral ken baahanamih sharti
edde anuk ken baahaanamah keenih taduurem akke waak. Tamah abta gaba tamahak katak ummatta maslacat kee binaadamiino fan gactam keenih aysuk raqta qaglih wagtan wak. Axinto annal mawaartaay ummattal baaheenim mabaytaamih taagah. Xayi waktit isyaas xinto bayak ummatta cokmil ken xayyoosak maacissam bictaamih taaga.
|
||